Domnau

Wie de Stadt Domnau to ährem Noame keem.

De Domnauer hadde önn ohle Tiede ähr Stadt opgebuut on wußte nich, wie se ähr nenne sullde. On doamoals regeerd deohl Herzog on desulld nu ö nn de nie Stadt koame on ähr denn e Noame gäwe. Na, de Domnauer beroade nu Dag on Nacht, wie se dem Herzog bewöllkommne sullde. Toletzt keemes äwaeent, dat alla de glieke Kledoasch droage sullde. Joa, oawa wat fär e Antoach sulldes denn nu antehne? E Stoatsroack on e Dreemaster hadd nich jeder, da woahnde noach väl arme Liehd, wat kunne se bloß antehne? Da keem e ganz Schlauer op den Gedanke, se warre söck alla noakt uttehne, denn sönn se alla gliek gekleedt. On wie geseggt, so deedes denn ook. Oawa nu wußtes wedda nich, wat se dohne sullde, wenn de Herzog keem. Da sähd de Borgemeister: ,,Liehd, öck warr ju wat Segge, dat ös doach ganz eenfach! Ju motte bloß noa mi kicke on noamoake, wat öck värmoak, denn ös schon alla röchtig on ons Herzog kann söckfreie.” Na joa, so wulles denn ock alla moake. - - Nu keem denn de Dag ran, wo de Herzog keem, on et wehrsehr heet on de Bremse on Fleege brommde dörche Loft. De Kutsch möttem Herzog fohr önn de Stadt rönn on de doacht, he sehg nich recht Alle Domnauer stunde noakt annestroate on noakt keem ook de Borgemeister anne Kutsch on moakd e Vabeigung, on alle Domnauer moakde em noa. On de Borge meister fung mött siener Räd an on wull dem Herzog bewöllkommne, da stock em groads e Brems oppe Hindaste On he schreeg: ,,Au!“ on klatschd söck hinde drop, öm de Brems to vaschichre. On alle Keerls deedeem noa, klatschde söck ook op ähr Hindadeel on schree ge: ,Au!“, denn so doachte, dat gehead söck so. Dat sehg nu de Borgemeister on he sähd: ,,To domm, to domm, dat mi dat ook passeere mußt!” De Herzog kickd eerscht domm, denn lacht he oawa on sähd: ,,Liehd, den Noame fär june Stadt hebb ju söck sülwst gegäwe. Sett man de beid Weerd tosamme: ,,domm” on ,,au“, on denn hebb ju den Noame Dommau on so sull june Stadt heete!” On so ös et denn ook geschehne, oawa ut Dommau ös späda Domnau gewoarde. Een ,,m“ hebbe de Domnauer tom ,,n” gemoakt. Äwa ähr Schlauheit kömmt nuscht!